ரசிகர்களை காப்பாற்றிய நடிகர் விஜய்

படப்பிடிப்பு தளத்தில் நடிகர் விஜய்யை காணவந்த ரசிகர்கள் எதிர் பாராத விதமாக விபத்தில் சிக்கினர். தெறி, மெர்சல் வெற்றியைத் தொடர்ந்து மூன்றாவது முறையாக விஜய் - அட்லி கூட்டணி அமைந்துள்ளது. இதன் படப்பிடிப்பு, தற்போது சென்னையில் நடைபெற்று வருகிறது. படப்பிடிப்பு தளத்தில் நடிகர் விஜய்யைக் காண அவரது ரசிகர்கள் குவிந்து வருகின்றனர். இந்த நிலையில், தற்போது வீடியோ ஒன்று வெளியாகியுள்ளது. அதில், தம்மைக் காண வந்த ரசிகர்களுக்கு கை அசைத்த படியே விஜய் வருகிறார். அவர் அருகில் வரும்போது ரசிகர்கள் நின்றிருந்த பகுதியின் தடுப்பு உடைந்து கீழே விழுந்தது. ரசிகர்கள் கீழே விழுவதைக் கண்ட நடிகர் விஜய் உடனே அங்கு சென்று அவர்களைக் காப்பாற்றினார். இந்த வீடியோ தற்போது சமூக வலைதளங்களில் பரவி வருகிறது. .