ஐடி நிறுவனங்களுக்கு தளர்வுகள் - 50% பணியாளர்களுடன் இயங்க அனுமதி

சென்னை மற்றும் சென்னை காவல் எல்லைக்குட்பட்ட பகுதிகளில் ஐடி நிறுவனங்கள் 50% பணியாளர்களுடன் இயங்க அனுமதியளித்து தமிழக அரசு உத்தரவிட்டுள்ளது. இந்த 50 சதவீத பணியாளர்களில் 90% பேர், நிர்வாகம் ஏற்பாடு செய்யும் வாகனங்களிலேயே வர வேண்டும் என்று தெரிவிக்கப்பட்டுள்ளது.  வரும்13 ஆம் தேதி முதல் தளர்வுகள் நடைமுறைக்கு வரும் என்றும், கட்டுப்படுத்தப்பட்ட பகுதிகளுக்கு தளர்வுகள் பொருந்தாது என்றும் அறிவிக்கப்பட்டுள்ளது. மேலும், முடிந்தவரை வீட்டில் இருந்தே பணிபுரிய வேண்டும் என்றும் அறிவுறுத்தப்பட்டுள்ளது.