இன்று மாலை 4 மணிமுதல் கமல் பிரசாரம்...
சர்ச்சை காரணமாக கமல்ஹாசன் பிரசாரம் ரத்து செய்யப்பட்டதாக தகவல் வெளியான நிலையில், அவர் திருப்பரங்குன்றத்தில் இன்று திட்டமிட்டபடி பிரசாரம் மேற்கொள்ள உள்ளார்.
சர்ச்சை காரணமாக கமல்ஹாசன் பிரசாரம் ரத்து செய்யப்பட்டதாக தகவல் வெளியான நிலையில், அவர் திருப்பரங்குன்றத்தில் இன்று திட்டமிட்டபடி பிரசாரம் மேற்கொள்ள உள்ளார்.
இந்து அமைப்புகளின் எதிர்ப்பை அடுத்து கொடைக்கானலில் மக்கள் நீதி மய்யம் தலைவர் கமல்ஹாசன் தங்கியிருந்த தங்கும் விடுதிக்கு போலீஸ் பாதுகாப்பு போடப்பட்டு இருந்தது. இந்நிலையில் அங்கிருந்து கார் மூலம் மதுரைக்கு கமல்ஹாசன் புறப்பட்டார். அவரது வாகனத்துக்கு போலீஸ் பாதுகாப்பு அளிக்கப்பட்டு உள்ளது. மதுரை செல்லும் கமல்ஹாசன் அங்கிருந்து திருப்பரங்குன்றம் தொகுதிக்கு சென்று பிரசாரம் மேற்கொள்கிறார். திருப்பரங்குன்றம் தொகுதிக்கு உட்பட்ட தோப்பூர், பெரியார் நகர், சமநாதம், பனையூர் உள்ளிட்ட இடங்களில் இன்று மாலை 4 மணிமுதல் கமல் பிரசாரம் மேற்கொள்வதாக மக்கள் நீதி மய்யம் அதிகாரப்பூர்வ அறிவிப்பை வெளியிட்டுள்ளது. ஏற்கனவே திட்டமிட்டபடிதான் கமல்ஹாசனின் பிரசாரம் நடைபெற்று வருவதாக மக்கள் நீதி மய்யம் செய்தி தொடர்பாளர் முரளி அப்பாஸ் தெரிவித்துள்ளார்.
Next Story