விரைவில் "சூரரை போற்று" பட டிரைலர்

96 திரைப்படம் வெளியாகி 2 ஆண்டுகள் ஆனதை அடுத்து, சமூக வலைதளங்களில் 96 படம் குறித்த நினைவுகளை சினிமா பிரபலங்களும், ரசிகர்களும் பகிர்ந்து வருகின்றனர். இயக்குனர் பிரேம் குமார் இயக்கிய இந்த படம் கடந்த 2018ஆம் ஆண்டு அக்டோபர் 4ஆம் தேதி வெளியாகி பெரும் வரவேற்பை பெற்றது. இதையடுத்து இயக்குனர் ராம் குமாருக்கு நன்றி தெரிவித்து நடிகர் விஜய் சேதுபதி தனது ட்விட்டர் பக்கத்தில் கருத்து பதிவிட்டுள்ளார். மேலும் ராம், ஜானு குறித்த தங்களது நினைவுகளை ரசிகர்கள் பலரும் சமூக வலைதளங்களில் பகிர்ந்து வருகின்றனர். 

ஓடிடியில் வெளியாகியுள்ள, க/பெ ரணசிங்கம் படத்திற்கு பல்வேறு தரப்பினரும் வாழ்த்து தெரிவித்து வருகின்றனர். அந்த வகையில் தனக்கு வாழ்த்து கூறியவர்களுக்கு நன்றி தெரிவித்து நடிகை ஐஸ்வர்யா ராஜேஷ் அறிக்கை ஒன்றை வெளியிட்டுள்ளார். அதில், தனது திரையுல வாழ்க்கையில் க/பெ ரணசிங்கம் மிக முக்கியமான படம் என்று தெரிவித்துள்ளார். மேலும், கொரோனா பாதிப்பு இல்லையென்றால் திரையரங்கில் வெளியாகி கொண்டாடப்பட்டிருக்கும் என கூறியுள்ள அவர், அனைவரின் கருத்துக்களையும் இதயத்தின் ஓரத்தில் வைத்து கொள்வதாக குறிப்பிட்டுள்ளார்.

விஜய் சேதுபதி மற்றும் ஐஸ்வர்யா ராஜேஷ் நடிப்பில், ஓடிடியில் வெளியாகியுள்ள க/பெ ரணசிங்கம் படத்திற்கு சினிமா பிரபலங்கள் பலரும் வாழ்த்து தெரிவித்து வருகின்றனர். அந்த வகையில் நடிகை ஐஸ்வர்யா ராஜேஷ்க்கு வாழ்த்து தெரிவித்து நடிகை கீர்த்தி சுரேஷ் ட்வீட் செய்துள்ளார். அதில், க/பெ ரணசிங்கம் படம் குறித்து வரும் தகவல்கள் மகிழ்ச்சி அளிப்பதாகவும், மேலும் பல உயரங்களை அடைய வாழ்த்துவதாகவும் கீர்த்தி சுரேஷ் தெரிவித்துள்ளார்.

----

கிரீன் இந்தியா சவாலை ஏற்று, அந்த புகைப்படங்களை தனது சமூக வலைதள பக்கத்தில் பகிர்ந்துள்ளார் நடிகை த்ரிஷா. மரம் நடுவது குறித்து விழிப்புணர்வு ஏற்படுத்தும் வகையில் கிரீன் இந்தியா சேலஞ்ச் மேற்கொள்ளப்படுகிறது. இந்த சவாலை ஏற்று ஏற்கனவே நடிகர்கள் விஜய், மகேஷ் பாபு, பிரகாஷ் ராஜ், சமந்தா ஆகியோர் மரம் நட்டு புகைப்படங்களை வெளியிட்டுள்ள நிலையில் தற்போது திரிஷாவும் மரம் நடும் புகைப்படங்களை பதிவிட்டுள்ளார். 

பிரபல சினிமா மற்றும் தொலைக்காட்சி நடிகையான பிரகதி மகாவதி உடற்பயிற்சி செய்து நடனமாடும் வீடியோவை தனது இன்ஸ்டாகிராம் பக்கத்தில் பதிவிட்டுள்ளார். ஊரடங்கு தொடங்கியது முதலே, தீவிர உடற்பயிற்சியில் இறங்கிய அவர் அந்த வீடியோக்களை தொடர்ந்து சமூக வலைதளங்களில் பகிர்ந்து வருகிறார். அந்த வரிசையில் இவர் தற்போது பதிவிட்டுள்ள நடன வீடியோவை ரசிகர்கள் பலரும் லைக் செய்து வருகின்றனர். 

கௌதம் வாசுதேவ் மேனன் இயக்கத்தில் உருவாகியுள்ள துருவ நட்சத்திரம் படத்தின் பாடல் விரைவில் வெளியாகும் என அறிவிக்கப்பட்டுள்ளது. விக்ரம் நடித்துள்ள இந்த படத்திற்கு ஹாரீஸ் ஜெயராஜ் இசையமைத்துள்ளார். இதையடுத்து இந்த படத்தில் இடம்பெற்றுள்ள ஒரு மனம் என்ற பாடல் விரைவில் வெளியாகும் என இயக்குனர் கௌதம் மேனன் தெரிவித்துள்ளார்.