பள்ளி மாணவர்களுக்கு தேர்தல் விழிப்புணர்வு - பள்ளியில் நடந்த விறுவிறு வாக்குப்பதிவு

மணப்பாறை அடுத்த கருங்குளம் அரசு மேல்நிலைப்பள்ளியில் மாணவர்களுக்கு விழிப்புணர்வு ஏற்படுத்தும் வகையில் தேர்தல் நடத்தப்பட்டது. தேர்தல் அறிவிப்புக்கு பிறகு, வேட்பு மனு தாக்கல் செய்து, அது பரிசீலனை செய்யப்பட்டது. இறுதியாக தேர்வு செய்யப்பட்ட 6 மாணவர்கள் 6 மாணவிகள் வேட்பாளர்களாக களம் கண்டனர். வாக்களிக்க பூத் சிலிப் போன்று ஒரு சீட்டு வழங்கப்பட்டது. அனைவரும் விறுவிறுப்பாக பதிவு செய்தனர். தேர்தலில் பதிவான வாக்குகள் எண்ணப்பட்டு முடிவுகள் அறிவிக்கப்பட்டன. பேரவைத் தலைவராக நந்தகுமாரும், தலைவியாக கலைமணியும் தேர்ந்தெடுக்கப்பட்டுள்ளனர்.