ஆட்டம், பாட்டத்துடன் நடந்த சமத்துவ பொங்கல்...

காஞ்சிபுரத்தில் மாவட்ட  மாவட்ட ஆட்சியர் பொன்னையா தலைமையில் அனைத்து துறை அதிகாரிகள், பாரம்பரிய முறைப்படி வேட்டி, சேலை அணிந்து பொங்கல் விழாவில் பங்கேற்றனர். காவல்துறை கண்காணிப்பாளர் சந்தோஷ் ஹதிமணி, சார் ஆட்சியர் சரவண‌ன் உள்ளிட்டோரும் விழாவில் கலந்துகொண்டனர்.

கரூர் அரசு கலைக் கல்லூரியில் பொங்கல் விழா உற்சாகமாக கொண்டாடப்பட்டது. இதையொட்டி மாணவ, மாணவிகள் பாரம்பரிய உடை அணிந்து பொங்கல் வைத்தனர். இந்த நிகழ்வில் மாவட்ட ஆட்சியர் அன்பழகன் கலந்து கொண்டார். பின்னர் அவர் பேசுகையில், மாணவர்கள் முன்னேற்றப் பாதையை நோக்கி மட்டுமே சிந்திக்க வேண்டும் என்றார். மாணவிகள் கலர் கலராக உடை அணிந்து கொண்டாலும் நமது நிறமும், மனமும் எப்போதும் மாறக் கூடாது என்றார்.