உத்தரகாண்ட் மாநிலத்தில் வெள்ளப்பெருக்கு - பலி எண்ணிக்கை 34ஆக உயர்வு

உத்தரகாண்ட் மாநிலத்தில் கடந்த இரண்டு நாட்களாக கனமழை பெய்து வரும் நிலையில், பல்வேறு இடங்களில் வெள்ளப்பெருக்கும்,  நிலச்சரிவும் ஏற்பட்டது. வெள்ளத்தில் உயிரிழந்தவர்களின் எண்ணிக்கை 34 ஆக உயர்ந்துள்ள நிலையில், 5 பேர் மாயமாகி உள்ளனர். மீட்பு பணிகள் தீவிரமாக நடைபெற்று வருவதாக தெரிவித்த உத்தரகாண்ட் முதலமைச்சர் புஷ்கர் சிங் தாமி, வெள்ள பாதிப்பில் உயிரிழந்தவர்களின் குடும்பங்களுக்கு 4 லட்சம் ரூபாயும், வீடுகளை இழந்தவர்களுக்கு ஒரு லட்சத்து 9 ஆயிரம் ரூபாயும் வழங்கப்படும் என குறிப்பிட்டார். இதனிடையே வெள்ள பாதிப்பு நிலவரம் குறித்து முதலமைச்சர் புஷ்கர் சிங் தாமியிடம், பிரதமர் மோடி மற்றும் உள்துறை அமைச்சர் அமித்ஷா ஆகியோர் கேட்டறிந்தனர்.