அரசு கேபிள் டிவி - ஆலோசனை கூட்டம் : புதிய இணைப்புகள் உள்ளிட்டவை குறித்து ஆலோசனை

தமிழக அரசு கேபிள் டிவி சேவைகளை மேம்படுத்துவது தொடர்பாக சென்னை தலைமைச்செயலகத்தில் ஆலோசனை கூட்டம் நடைபெற்றது. இதில், உள்ளாட்சி துறை அமைச்சர் வேலுமணி, கால்நடை துறை அமைச்சரும், தமிழ்நாடு கேபிள் டிவி நிறுவனத்தின் தலைவருமான உடுலை ராதாகிருஷ்ணன், புதிதாக தகவல் தொழில்நுட்ப துறை அமைச்சராக பொறுப்பேற்றுள்ள  ஆர்.பி.உதயகுமார் மற்றும் அதிகாரிகள் பங்கேற்றனர். இந்த கூட்டத்தில், சென்னை உள்பட அனைத்து மாநகராட்சிகள், நகராட்சிகள், பேரூராட்சிகள் மற்றும் ஊராட்சி பகுதிகளில், புதிதாக கேபிள்கள் அமைத்தல், ஏற்கனவே அமைக்கப்பட்டுள்ள  இணைப்புகளை மேம்படுத்துதல், தனியார் நிறுவனங்கள் மூலம் அனுமதியின்றி அமைக்கப்பட்டுள்ள கேபிள்களை முறைப்படுத்துதல் ஆகியவை குறித்து ஆலோசிக்கப்பட்டது.