"மின் கட்டணம் ரூ.50 ஆயிரம் எப்படி வந்தது?" - காலா பட நடிகை ஹீமா குரேஷி கேள்வி

காலா படத்தில் ந​டித்த நடிகை ஹீமா குரேஷி தமது வீட்டிற்கு 50 ஆயிரம் ரூபாய் மின் கட்டணம் வந்துள்ளதாக சமூக வலை தளத்தில் தெரிவித்துள்ளார். ஊரடங்கு காலத்தில் எந்த வித புது மின் சாதனமும் பயன்படுத்தாத போது இந்த அளவுக்கு கட்டணம் வந்தது எப்படி என்றும் அவர் கேள்வி எழுப்பியுள்ளார். கடந்த முறை 6 ஆயிரம் ரூபாய் மின்கட்டணம் செலுத்திய தமக்கு இந்த முறை 50 ஆயிரம் மின் கட்டணம் அதிர்ச்சியளிப்பதாகவும் கூறியுள்ளார். ஏற்கனவே நடிகை டாப்ஸிக்கு ஒரு லட்சம் ரூபாய் மின் கட்டணம் வந்ததாக கூறப்பட்ட நிலையில் இப்போது ஹீமா குரேஷியும் இந்த சர்ச்சையை கிளப்பியிருக்கிறார்.