அறிவியல் தொழில்நுட்ப மன்ற துணை தலைவராக விஞ்ஞானி மயில்சாமி அண்ணாதுரை நியமனம்

ஓய்வு பெற்ற இஸ்ரோ விஞ்ஞானி மயில்சாமி அண்ணாதுரையை, அறிவியல் தொழில்நுட்ப மாநில மன்றத்தின் துணைத் தலைவராக, தமிழக அரசு நியமித்துள்ளது. சந்திரயான்-1 திட்டத்தின் இயக்குநராக பணியாற்றி, அத்திட்டம் வெற்றிபெற காரணகர்த்தவாக விளங்கியவர், மயில்சாமி அண்ணாதுரை. விரைவில் புதிய பொறுப்பை ஏற்க உள்ள அவர், உயர்கல்வித்துறையில் அறிவியல், தொழில்நுட்பம் சார்ந்து, பல்வேறு திட்டங்களை செயல்படுத்த உள்ளார்.