அமெரிக்காவில் நிமிடத்துக்கு ஒருவர் கொரோனாவால் உயிரிழப்பு - அமெரிக்காவில் உச்சம் தொடும் கொரோனா தொற்று

அமெரிக்காவில் கொரோனா வைரஸ் தொடர்ந்து அச்சுறுத்தி வருகிறது. அங்கு நேற்று மாலை நிலவரப்படி தொற்று பாதித்தோர் எண்ணிக்கை 46 லட்சத்து 38 ஆயிரத்து 288 ஆக இருந்தது. உயிரிழந்தோரின் எண்ணிக்கை 1 லட்சத்து 55 ஆயிரத்து 371 ஆக பதிவாகி உள்ளது. கலிபோர்னியா, புளோரிடா, டெக்சாஸ் மாகாணங்களில் தொற்று, தினமும் புதிய உச்சம் தொட்டு வருகிறது.

அமெரிக்காவில் கடந்த 2 நாட்களாக சராசரியாக 1,400-க்கு மேற்பட்டோர் உயிரிழந்துள்ளனர். புளோரிடாவில் மட்டும் நேற்று 257 பேர் உயிரிழந்ததாக அந்நாட்டு அரசு தெரிவித்துள்ளது. இதனிடையே, நவம்பரில் இறப்பு அளவு 2 லட்சத்து 30 ஆயிரத்தை கடந்து விடும் என ஆய்வில் தெரிய வந்தால், மக்கள் அச்சமடைந்துள்ளனர்.