உலக அழகியாக 23 வயது கருப்பின ஜமைக்கா பெண் தேர்வு

முன்னதாக  தனித் திறன் சுற்றில் விட்னி ஹூஸ்டனின், 'எனக்கு எதுவும் இல்லை என்ற பாடலை, டோனி-ஆன் சிங் பாடினார். அதை கேட்ட பார்வையாளர்கள் உணர்ச்சிவசப்பட்டனர்.

உலக அழகி பட்டத்தை வென்ற பிறகு மேடையில் பேசிய டோனி-ஆன் சிங் ஜமைக்காவை  சிறுமிகளும், உலகெங்கிலும் உள்ள அனைத்து சிறுமிகளுக்கும் - தயவுசெய்து உங்களை நம்புங்கள் என்றார். நீங்கள் உங்கள் கனவுகளை அடைய தகுதியானவர், திறமையானவர் என்பதை தயவுசெய்து அறிந்து கொள்ளுங்கள் என்றும் டோனி-ஆன் சிங் என வேண்டுகோள் விடுத்தார். 

இந்த கிரீடம் என்னுடையது அல்ல உங்களுடையது என்றும் உங்களிடம் ஒரு நோக்கம்  இருக்க வேண்டும் என்றும் உலக அழகி டோனி-ஆன் சிங் அறிவுறுத்தினார்.  

மொரண்ட் விரிகுடாவில் பிறந்த டோனி-ஆன் சிங், ஒன்பது வயதில் அமெரிக்காவிற்கு குடிபெயர்ந்து புளோரிடாவில் குடியேறியவர். டல்லாஹஸ்ஸியில் உள்ள புளோரிடா மாநில பல்கலைக்கழகத்தில் பெண் கல்வி மற்றும் உளவியலில் பட்டம் பெற்றார். டோனி-ஆன் சிங்கின் தாயார் ஜஹ்ரின் பெய்லி-சிங் ஆப்பிரிக்க-கரீபியன் வம்சாவளியைச் சேர்ந்தவர். தந்தை பிராட்ஷா சிங் இந்தோ-கரீபியன் வம்சாவளியைச் சேர்ந்தவர்.

பிரெஞ்சு மாடல் அழகியான ஓஃபெலி மெசினோ 2019ஆம் ஆண்டின் உலக அழகி போட்டியில் இரண்டாம் இடத்தை பிடித்தார். அவர் இந்த ஆண்டின் மிஸ் பிரான்ஸ் பட்டத்தை வென்றவர். 2வது இடத்திற்கு ஓஃபெலி மெசினோ பெயர் அறிவிக்கப்பட்டதும், அவர் உற்சாகத்தை வெளிப்படுத்தினார். 

3ஆவது இடத்தை பிடித்த இந்திய அழகி...

2019-ஆம் ஆண்டின் உலக அழகி போட்டியில் 3வது இடத்தை இந்திய அழகி பிடித்துள்ளார். 'மிஸ் இந்தியா' போட்டியில் வென்ற ராஜஸ்தானைச் சேர்ந்த சுமன் ரத்தன் சிங் ராவ் என்ற 21 வயது பெண் இந்தியா சார்பாக 'உலக அழகி போட்டியில் கலந்துகொண்டார்.