பிரிட்டன் ராணியின் அதிகாரப்பூர்வ பிறந்த நாள் விழா : கண்களை கவர்ந்த அரச படைகளின் அணிவகுப்பு

இங்கிலாந்தின் லண்டன் மாநகரில், பிரிட்டன் ராணியின் அதிகாரப்பூர்வ பிறந்த நாள் விழா, அரச படைகளின் அணிவகுப்புடன் வெகுவிமர்சையாக நடைபெற்றது. ஒவ்வொரு ஆண்டும் ஜூன் 8ஆம் தேதி பிரிட்டன் ராணியை கெளரவிக்கும் வகையில் அரச படைகளின் அணி வகுப்பு நடைபெறும். 260 ஆண்டுகளாக இந்த விழா கடைபிடிக்கப்பட்டு வருகிறது. இந்த ஆண்டு நடைபெற்ற அணிவகுப்பில், ஆயிரத்து 400 சிப்பாய்கள், 300 குதிரைகள் மற்றும் 400 கலைஞர்கள் பங்கேற்றனர். இந்த ஆண்டு அணிவகுப்பின் போது ராணி எலிசபெத்தை கெளரவிக்கும் வகையில், இளவரசர் வில்லியம், அவரது மனைவி கேட் மிடில்டன், இளவரசர் ஹாரி, அவரது மனைவி மேகன் மார்கெல் ஆகியோர் பங்கேற்றனர். தொடர்ந்து அணி வகுப்பில் கண்கவர் விமானப்படை சாகசங்கள் நடைபெற்றன.