அதிமுக தலைமை அலுவலகத்தின் பெயர் மாற்றம்

கட்சியின் 50வது ஆண்டு பொன் விழாவை முன்னிட்டு, சென்னை ராயப்பேட்டையில் உள்ள அதிமுக தலைமை அலுவலகத்தில்  "எம்.ஜி.ஆர் மாளிகை" என்ற பெயர் பலகை வைக்கப்பட்டுள்ளது. அதிமுக 50வது பொன்விழா ஆண்டையொட்டி பல்வேறு சிறப்பு நிகிழ்ச்சிகளை நடத்த அதிமுக தலைமை அறிவிப்பு வெளியிட்டது. இந்நிலையில் அதிமுக நிறுவனர் எம்.ஜி.ஆரை நினைவு கூறும் வகையில், அதிமுக தலைமை அலுவலகத்திற்கு  எம்.ஜி.ஆர் மாளிகை என பெயர் சூட்டப்படும் என அதிமுக ஒருங்கிணைப்பாளர் பன்னீர்செல்வம் மற்றும்  இணை ஒருங்கிணைப்பாளர் பழனிசாமி ஆகியோர் கூட்டாக அறிவிப்பு வெளியிட்டிருந்தனர். இந்த அறிவிப்பை செயல்படுத்தும் விதமாக, அதிமுக தலைமை அலுவலகத்தில் எம்.ஜி.ஆர் மாளிகை என்ற பெயர் பலகை வைக்கப்பட்டுள்ளது.