"வெப்பச் சலனம் காரணமாக மழைக்கு வாய்ப்பு" - சென்னை வானிலை ஆய்வு மையம் தகவல்

வெப்பச் சலனம் காரணமாக, தமிழகம் மற்றும் புதுவையில், மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. வடகிழக்கு பருவமழை தொடங்கி பெய்து வருவதன் தொடர்ச்சியாக, கடலூர் மாவட்டம் வேப்பூரில் 9 சென்டி மழையும், ராமநாதபுரம் மாவட்டம் கடலாடியில் 8 சென்டி மீட்டர் மழையும் பெய்துள்ளது. இந்நிலையில், தமிழகத்தின் உள் மாவட்டங்களில் வெப்பச் சலனம் காரணமாக மழை பெய்யும் என தகவல் கூறியுள்ள வானிலை ஆய்வு மையம், சென்னையை பொருத்தவரை வானம் ஓரளவு மேகமூட்டத்துடன் காணப்படும் என்றும்,  ஒருசில இடங்களில் லேசான மழை பெய்யும் என்றும் கூறியுள்ளது.