குப்பையால் நடந்த மோதல் - 5 மணி நேரம் சாலை மறியல்

500க்கும் மேற்பட்டோர் ஒன்று சேர்ந்து, சாலை மறியலிலும் ஈடுபட்டனர். 5 மணி நேரம் நீடித்த சாலை மறியல் போராட்டத்தால், அங்கு போக்குவரத்து ஸ்தம்பித்த‌து. இதையடுத்து, ஆத்திரம் அடங்காத குமரவேல் உறவினர்கள், பெருமாள் மற்றும் சாமுண்டி ஆகியோரது வீடுகளை அடித்து நொறுக்கினர். இந்த நிலையில், குமரவேலின் மனைவி முனியம்மாள் திடீரென தனது உடல் முழுவதும் மண்ணெண்னெய் ஊற்றி கொண்டு தீ வைத்து கொள்ள முயற்சித்தார். இதனால் அங்கு பெரும் பரபரப்பு ஏற்பட்டது. இதையடுத்து, பெருமாள் மற்றும் சாமுண்டி ஆகியோரை கைது செய்துள்ளதாகவும், மேலும் வழக்கில் தொடர்புடைய மற்றவர்களையும் விரைவில் கைதுசெய்வோம் என்றும், போலீசார் உறுதி அளித்த‌தால், போராட்டம் கைவிடப்பட்டது. குப்பை பிரச்சினையால் நடந்த கொலை சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.