ஐசிசி டெஸ்ட் கிரிக்கெட் சாம்பியன்ஷிப் போட்டி - இறுதிப் போட்டிக்கு இந்தியா முன்னேறுமா?

ஐசிசி டெஸ்ட் சாம்பியன்ஷிப் தொடர் கடந்த 2 வருடங்களாக நடந்து வருகிறது. இதற்கான புள்ளிப்பட்டியலில், இந்தியா முதல் இடத்திலும், நியூசிலாந்து 2-ஆவது இடத்திலும் உள்ளது. இந்நிலையில், ஆஸ்திரேலியா - தென் ஆப்பிரிக்கா அணிகளுக்கு இடையே நடைபெற இருந்த டெஸ்ட் கிரிக்கெட் தொடர் ரத்து செய்யப்பட்டதால், நியூசிலாந்து அணி இறுதிப் போட்டிக்கு முன்னேறி உள்ளது. இந்தியா-இங்கிலாந்து அணிகளுக்கு இடையேயான டெஸ்ட் தொடர் நாளை மறுதினம் தொடங்க உள்ள நிலையில், இதில் இந்தியா 2 போட்டிகளில் வெற்றி பெறும்பட்சத்தில், இறுதிப் போட்டிக்கு முன்னேற வாய்ப்பு உள்ளது. இதேபோல், இந்த தொடரில் 3 போட்டிகளை இங்கிலாந்து வெல்லும் பட்சத்தில், இறுதிப் போட்டிக்கு இங்கிலாந்து முன்னேறுவதற்கான வாய்ப்பு உள்ளது. லண்டன் லார்ட்ஸ் மைதானத்தில், தொடரின் இறுதிப் போட்டி நடைபெற உள்ளது குறிப்பிடத்தக்கது.