2019-2020 ஆண்டுக்கான குடிமராமத்து பணிகள் : கே.என்.நேருவுக்கு முதலமைச்சர் பழனிசாமி பதில்

பேரவையில் பொதுப்பணித்துறை மீதான மானியக் கோரிக்கை விவாதத்தில் கலந்து கொண்டு பேசிய தி.மு.க உறுப்பினர் கே.என்.நேரு, கிராம தலைவர்கள், விவசாயிகள் முன்னிலையில் குடிமராமத்து பணிகள் மேற்கொள்ள வேண்டும் எனக் கேட்டுக்கொண்டார். இதற்கு பதிலளித்த முதலமைச்சர், நிலத்தடி நீரை பாதுகாக்க தி.மு.க-வைவிட அ.தி.மு.க ஆட்சிக்காலத்தில் கூடுதல் நிதி ஒதுக்கப்பட்டிருப்பதாக கூறினார். நீர் மேலாண்மைக்காக தனி அமைப்பு உருவாக்கி, அதன் தலைவராக மூத்த ஐ ஏ எஸ் அதிகாரி பாலாஜி நியமிக்கப்பட்டிருப்பதாக தெரிவித்தார். 85 ஆண்டுகளுக்கு பிறகு 100 கோடி ரூபாய் செலவில் மேட்டூர் அணை தூர்வாரப்பட்டிருப்பதாகவும், அப்போது எடுக்கப்பட்ட வண்டல் மண் விவசாயிகளுக்கு இலவசமாக வழங்கப்பட்டிருப்பதாகவும் முதலமைச்சர் பழனிசாமி கூறினார்.