இந்தியாவில் மிக சிறந்த கூட்டணி, அதிமுக கூட்டணி - பியூஸ் கோயல்

தமிழக பாஜக நிர்வாகிகள் கூட்டம், சென்னை அமைந்தகரையில் உள்ள தனியார் திருமண மண்டபத்தில் நடைபெற்றது. இதில் பாஜகவின்  தமிழக தேர்தல் பொறுப்பாளர் பியூஸ் கோயல், மத்திய சென்னை தொகுதி பாமக வேட்பாளர் சாம்பால்,  முன்னாள் அமைச்சர் கோகுல இந்திரா உள்ளிட்டோர் கலந்து கொண்டனர். இந்த கூட்டத்தில் பேசிய பியூஷ் கோயல்,  நாட்டு மக்களுக்கு என்ன செய்ய வேண்டுமோ, அவை அனைத்தையும், பிரதமர் மோடி செய்து கொண்டிருப்பதாக கூறினார். ரயில் பெட்டிகளை இந்தியாவில் உருவாக்காமல் இத்தாலியில் உருவாக்க வேண்டும் என்று ராகுல் எண்ணுவதாக விமர்சித்த பியூஷ் கோயல், அதிமுக பாஜக கூட்டணி, இந்தியாவில் மிக சிறந்த கூட்டணி என்றும் கூறினார்.