7 பேர் விடுதலைக்கு தடையாக இருப்பது தமிழக ஆளுநரா? தமிழக அரசா? - வைகோ

பேரறிவாளன் உள்பட 7 பேர் விடுதலைக்கு தடையாக இருப்பது யார் என்று ஆளுநரும், தமிழக அரசும் பதில் சொல்ல வேண்டும் என்று மதிமுக பொது செயலாளர் வைகோ கோரிக்கை விடுத்துள்ளார். சென்னை விமான நிலையத்தில் செய்தியாளர்களிடம் பேசிய அவர், 7 பேரை விடுதலை செய்ய மத்திய உள்துறை அமைச்சகம் ஆட்சேபம் தெரிவித்ததால் ஆளுநர் எந்த நடவடிக்கையும் எடுக்கவில்லை என்று குற்றம்சாட்டினார். இது அரசியல் சட்டத்துக்கு விரோதமானது என்றும் ஆளுநர் எல்லை மீறி செயல்பட்டு இருப்பதாகவும் வைகோ தெரிவித்தார்.