ஊரடங்கால் வாழ்வாதாரம் இழந்த குடும்பத்துக்கு ரூ.5000 நிதியுதவி, 30 கிலோ அரிசி வழங்குவதை உறுதிப்படுத்த வேண்டும் - தி.மு.க வலியுறுத்தல்

ஊரடங்கால் வாழ்வாதாரத்தை இழந்த குடும்பத்துக்கு 5 ஆயிரம் ரூபாய் நிதியுதவி, 30 கிலோ அரிசி வழங்குவதை உறுதிப்படுத்த வேண்டும் என புதுச்சேரி பேரவையில் திமுக வலியுறுத்தி உள்ளது. புதுச்சேரி பட்ஜெட் கூட்டத்தொடரின் 4-வது நாளான இன்றைய தினம் கொரோனா நோய் தொற்று தொடர்பான விவாதம் நடைபெற்றது. இதில் கலந்து கொண்டு பேசிய தி.மு.க உறுப்பினர் சிவா, மாநிலத்தில் உள்ள அனைத்து தனியார் மருத்துவக் கல்லூரியை அரசின் கட்டுப்பாட்டிற்குள் கொண்டு வர வேண்டும் எனவும் கேட்டுக்கொண்டார்.