2 கின்னஸ் சாதனை செய்த போலவரம் அணை பணிகள்...

ஆந்திர மாநிலத்தில் கட்டப்பட்டு வரும் போலவரம் அணையின் கட்டுமானப் பணிகள் கின்னஸ் சாதனை  புத்தகத்தில் இடம்பெற்றுள்ளது.  உலக அளவில் முதல்முறையாக 24 மணி நேரத்தில் 32 ஆயிரத்து 100 கன மீட்டர் கான்கிரீட் போடப்பட்டதன் மூலம்  இரண்டு சாதனைகள் நிகழ்த்தப்பட்டுள்ளதாக ஆந்திர முதலமைச்சர் சந்திரபாபு நாயுடு கூறியுள்ளார். கடந்த ஞாயிற்றுக்கிழமை காலை 8 மணிக்குத் தொடங்கிய கான்கிரீட்  பணிகள்  அடுத்த நாள் காலை 8 மணிக்கு நிறைவடைந்தன் மூலம் தொடர்ச்சியாக அதிக நேர காங்கிரீட் பணிகள், மற்றும்  குறைவான நேரத்தில் அதிக கட்டுமானம் என இரண்டு சாதனைகள் செய்யப்பட்டுள்ளன. இந்த பணியில் ஈடுபட்ட 4 ஆயிரம் பொறியாளர்கள் உள்பட ஏராளமான பணியாளர்களுக்கு ஆந்திர முதல்வர் சந்திரபாபு நாயுடு பாராட்டு தெரிவித்துள்ளார்.