"ஊதுபத்தி கூட கொளுத்தக் கூடாது..." : தலைநகரில் உச்சபட்ச எச்சரிக்கை அறிவிப்பு
பதிவு : நவம்பர் 05, 2018, 01:30 PM
தீவிரமான நடவடிக்கை எடுத்துக் கொண்டிருந்தாலும், உச்சபச்ச எச்சரிக்கையை தாண்டிச் சென்று கொண்டிருக்கும், டில்லியின் காற்று மாசு குறித்து பார்க்கலாம்
மனிதர்கள் சுவாசிப்பதற்கு தேவையான சுத்தமான காற்று உள்ளதா என்பதை, ஏர் குவாலிட்டி இன்டெக்ஸ் அளவீடு மூலம் நிர்ணயிப்பது வழக்கம். இந்த அளவீடு, 50-க்குள் இருந்தால் நல்ல காற்று. 51ல் இருந்து -100 என்ற அளவில் இருந்தால் திருப்தி.101ல் இருந்து -200 என்றால் மிதமானது, 201ல் இருந்து -300 என்றால் மோசமானது. 301ல் இருந்து -400 என்றால் மிக மோசமானது, 401ல் இருந்து -500 மிக மிக மோசமானது என்று கணக்கிடப்பட்டுள்ளது.  

இந்த நிலையில், சமீபத்தில், தலைநகர் டெல்லியில் இந்த அளவீடு 401 என்ற அளவை எட்டியது. இந்த அளவுக்கு டெல்லியில் காற்று மாசுபட்டு தரம் குறைந்திருப்பது இதுவே முதல்முறை. மத்திய அரசின் காற்று தரக் கணிப்பு மற்றும் ஆராய்ச்சி அமைப்பான, 'சபார்' விடுத்துள்ள அறிக்கையில், "அறை ஜன்னல்களை மூடி விடுங்கள், அடிக்கடி வீட்டை ஈரத் துணியினால் துடைத்துக்கொள்ளுங்கள், விறகு கட்டை, மெழுகுவர்த்தி, ஊதுபத்தியைக் கூட கொளுத்துவதை நிறுத்தி விடுங்கள்" என எச்சரிக்கப்பட்டுள்ளது. 

மக்கள் வெளியே செல்கிற போது 'என்-95' முகமூடிகளை பயன்படுத்துமாறு அறிவுறுத்தப்பட்டுள்ளனர். வருடத்தின், இறுதி மாதங்கள் வந்து விட்டாலே, டெல்லிக்கு கஷ்ட காலம்தான். காற்று மாசுபாட்டோடு பனியும் சேர்ந்து கொள்ளும் காலம் என்பதால், மூச்சு விடவே, பொது மக்கள் சிரமப்படுவார்கள்.  இந்த வருடம் நிலைமை இன்னும் மோசமாகி உள்ளது. 

தசரா பண்டிகையின் போது எரிக்கப்பட்ட பொருள்களால் வளிமண்டலத்தில் மாசு அதிகரித்தது. காற்று தர அளவீட்டின் மதிப்பு சராசரி 337 என்ற அளவில் இருந்தது. இது மிகவும் அபாயகரமான அளவீடாகும். முதன்முறையாக ஏற்பட்ட இந்த அளவீட்டையும் தாண்டிச் சென்று கொண்டிருக்கிறது காற்று மாசு. நவம்பர் மாதத்தில் இதனை விட மோசமான நிலையை, டெல்லி எதிர்கொள்ள வேண்டியிருக்கும் என்று எச்சரிக்கை செய்திருக்கிறது மத்திய மாசுக் கட்டுப்பாட்டு வாரியம். 

நவம்பர் மாதம் தொடங்கி, 15-ம் தேதி வரையிலான கால கட்டத்தில் கவனமாக இருக்க வேண்டும். அறுவடை முடிந்த பின்னர் மீதமிருக்கும் கழிவுகளை விவசாயிகள் எரிப்பது தொடர்ந்து  கொண்டிருக்கிறது. தீபாவளி பண்டிகையின் போது காற்றின் நிலை, அபாய கட்டத்தை நெருங்கும் வாய்ப்பு அதிகம். எனவே, 'சிக்கலான நாள்களை எதிர்கொள்வதற்குத் தயார் படுத்திக்கொள்வது அவசியம்' என்று மாசுக் கட்டுப்பாட்டு வாரியம், டில்லி மக்களை உச்சபட்சமாக எச்சரித்துள்ளது. 

தொடர்புடைய செய்திகள்

கடலில் நின்று சபதம் எடுத்த வைகோ...

1989ம் ஆண்டு விடுதலை புலிகள் தலைவர் பிராபகரனை சந்திக்க பிள்ளையார் திடல் கடற்கரையிலிருந்து வன்னிக்காட்டுக்குள் வைகோ புறப்பட்டுச் சென்றார்.

1293 views

10 ஆயிரம் திரையரங்குகளில் 2.0 படம் வெளியீடு...

ஷங்கர் இயக்கத்தில் ரஜினிகாந்த் நடித்துள்ள டூ பாயின்ட் ஓ திரைப்படம், உலகம் மு ழுவதும் 10 ஆயிரம் திரையரங்குகளில் திரையிடப்பட, உள்ளதாக தகவல் வெளியாகி உள்ளது.

2658 views

நிர்மலா தேவி வழக்கு - புதிய மனுதாக்கல்

நிர்மலா தேவி விவகாரத்தில் சாட்சிகளிடம் திறந்த நீதிமன்றத்தில் தான் விசாரணை நடத்த வேண்டும் என இந்த வழக்கில் கைது செய்யப்பட்டுள்ள கருப்பசாமி, முருகன் தரப்பில், ஸ்ரீவில்லிபுத்தூர் நீதிமன்றத்தில் மனு தாக்கல் செய்யப்பட்டுள்ளது.

471 views

திருமணமான 15 நாளில் குழந்தை பெற்ற பெண்: கணவன் மருத்துவமனையை விட்டு ஓட்டம்

கிருஷ்ணகிரி அருகே திருமணமாகி 15 நாட்கள் ஆன ஒரு பெண்ணுக்கு குழந்தை பிறந்த சம்பவத்தால் அதிர்ச்சியடைந்த கணவன் மருத்துவமனையை விட்டு ஓட்டம் பிடித்தார்.

38148 views

பிற செய்திகள்

கற்ற கல்வியின் மூலமாக வீடு தேடி வேலை வரும் - திண்டுக்கல் சீனிவாசன்

திண்டுக்கல் மாவட்டம் செட்டிநாயக்கன்பட்டி ஊராட்சிக்கு உட்பட்ட நந்தனார்புரம் கிராமத்தில் தமிழக முதலமைச்சரின் சிறப்பு குறை தீர்வு திட்டம் நடைபெற்றது.

9 views

வீடு புகுந்து பெண்களை கத்தியால் குத்தி நகை பறிப்பு - பர்தா அணிந்து கைவரிசை காட்டிய 60 வயது பெண்

புதுச்சேரியில் 60 வயது பெண் ஒருவர் பர்தா அணிந்து வந்து, மூதாட்டியை கத்தியால் குத்தி நகை பறிப்பில் ஈடுபட்ட சம்பவம் பெரும் பரபரப்பை ஏற்படுத்தியுள்ளது.

14 views

சர்வதேச உணவு உற்பத்தி முறை குறித்த கருத்தரங்கம் - மத்திய அமைச்சர் ராமேஷ்வர் டெலி, அமைச்சர் காமராஜ் பங்கேற்பு

சர்வதேச உணவு உற்பத்தி முறை தொடர்பான கருத்தரங்கம் மற்றும் கண்காட்சி சென்னை நந்தம்பாக்கம் வர்த்தக மையத்தில் நடைப்பெற்றது.

8 views

ஸ்டாலினிடம் வாழ்த்து பெற்றார் சுகனேஷ்

இங்கிலாந்தில் நடந்த மாற்றுத்திறனாளிகளுக்கான உலக கோப்பை கிரிக்கெட் போட்டியில் வெற்றி பெற்ற தமிழக வீரர் சுகனேஷ், தி.மு.க தலைவர் ஸ்டாலினை நேரில் சந்தித்து வாழ்த்து பெற்றார்.

29 views

139 கோடி ரூபாய் மதிப்பிலான திட்டங்களை தொடங்கி வைத்தார் மத்திய இணையமைச்சர் மன்சுக் எல்.மாண்டவியா

தூத்துக்குடி துறைமுகத்தில் கப்பல்கள் உள்ளே வரும் நுழைவாயிலை 230 மீட்டராக அகலப்படுத்தும் பணி 13 கோடியே 11 லட்சம் ரூபாய் செலவில் மேற்கொள்ளப்பட உள்ளது,

12 views

சென்னை பல்கலை. நிகழ்ச்சிக்காக வெங்கய்ய நாயுடு வருகை - ஆளுநர், ஓ.பி.எஸ். டி.ஜி.பி. உள்ளிட்டோர் வரவேற்பு

சென்னை பல்கலைக்கழகத்தில் நடைபெறும் நிகழ்ச்சியில் பங்கேற்பதற்காக குடியரசுத் துணைத் தலைவர் வெங்கய்ய நாயுடு, சென்னை வந்தார்.

34 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.