உதகையை அடுத்த கேத்தி பகுதியில் உள்ள தனியார் பொறியியல் கல்லூரியில், விழா நடத்துவற்காக மூன்றாம் ஆண்டு மாணவர்கள், பணம் வசூலித்து வந்தனர். அதில், இண்டாம் ஆண்டு படிக்கும் இரண்டு மாணவர்கள் குறித்த நேரத்துக்குள் பணம் தரவில்லை என்று கூறப்படுகிறது. இதனால், அந்த 2 மாணவர்களுக்கும், மூன்றாமாண்டு சீனியர் மாணவர்களுக்கும் இடையே தகராறு ஏற்பட்டது.
அப்போது, சீனியர் மாணவர்கள் சேர்ந்து கொண்ட அந்த இருவரையும் சுற்றி வளைத்து துரத்தி துரத்தி ஆக்ரோசத்துடன் தாக்கியுள்ளனர். இந்த காட்சி சமூக வலைத்தளங்களில் வேகமாக பரவிய நிலையில், 9 பேரை கல்லூரி நிர்வாகம் சஸ்பெண்ட் செய்துள்ளது. இதற்கிடையே, தாக்குதலில் காயமடைந்த ஒரு மாணவருக்கு உடல் நலக்குறைவு ஏற்பட்டு உதகையில் உள்ள அரசு மருத்துவக் கல்லூரி மருத்துவமனையில் அனுமதிக்கப்பட்டு உள்ளார். இந்த சம்பவம் குறித்து போலீசார் விசாரணை மேற்கொண்டுளனர்.