"விசா வேண்டி ரஜினியிடம் இருந்து கோரிக்கை வரவில்லை" - இலங்கை அரசு

வடக்கு மாகாண முன்னாள் முதலமைச்சர் விக்னேஷ்வரன் சென்னை வருகையின் போது, ரஜினிகாந்தை சந்தித்து இலங்கைக்கு வர அழைப்பு விடுத்தார். இந்நிலையில் ரஜினிக்கு அனுமதி வழங்கப்போவதில்லை என இலங்கை அரசு கூறியதாக தகவல்கள் பரவின. இந்த செய்திக்கு இலங்கை வெளிவிவகாரத்துறை அமைச்சகத்தின் ஊடக பேச்சாளர் மறுப்பு தெரிவித்துள்ளார். இது தொடர்பாக அவர் கூறும் போது, ரஜினிக்கு விசா மறுக்கப்பட்டதாக பரவும் தகவல் உண்மையில்லை என கூறினார். மேலும் விசா வேண்டி ரஜினியிடமிருந்து எந்த கோரிக்கையும் வரவில்லை எனவும் தெரிவித்தார்.