விவசாயம் செழிக்க ஆண்டு தோறும் நடக்கும் சாணி அடி திருவிழா
பதிவு : நவம்பர் 19, 2020, 11:33 AM
விவசாயம் செழிக்கவும்... கால்நடைகள் நோய் நொடியின்றி இருக்கவும்... மலைக் கிராமத்தில் நடக்கும் சாணி அடிக்கும் வினோத திருவிழா பற்றி இந்த செய்தித் தொகுதிப்பில் பார்க்கலாம்...
தமிழ்நாடு, கர்நாடகா மாநிலங்களின் எல்லையில் உள்ளது கும்டாபுரம் கிராமம். ஈரோடு மாவட்டம் தாளவாடி மலைப்பகுதியில் அமைந்திருக்கும் இக்கிராமத்தில் விவசாயமும், கால்நடை வளர்ப்பும்தான் பிரதான தொழிலாக இருக்கிறது..  

நாட்டு மாடுகள் அங்கும் இங்குமாக நடைபோடும் இக்கிராமத்தில் 300 ஆண்டு பழமை வாய்ந்த பீரேஸ்வரர் கோவில் உள்ளது. இந்த கோவிலில் ஆண்டுதோறும் தீபாவளி பண்டிகையை அடுத்து வரும் 3-வது நாள் சாணியடி திருவிழா கோலாகலமாக கொண்டாடப்படுகிறது.
 
இந்த ஆண்டும் வழக்கமான உற்சாகத்துடன் சாணியடி திருவிழா நடைபெற்றது.  இதற்காக கிராமத்தில் உள்ள மாடுகளின் சாணம் சேகரிக்கப்பட்டு கோவிலின் பின்புறம் குவித்து வைக்கப்பட்டது.

கோவிலில் பூஜை செய்யப்பட்ட பின், சிறுவர்கள் முதல் பெரியவர்கள் வரை கொட்டி வைக்கப்பட்ட சாணத்தை உருண்டையாக பிடித்து ஒருவர் மீது ஒருவர் வீசி தங்களுடைய நேர்த்திக்கடனை செலுத்தினர். பாரம்பரியமிக்க இந்த வினோத நிகழ்ச்சியை பெண் பக்தர்கள் ஆர்வத்துடன் பார்த்து கைதட்டி உற்சாகப்படுத்தினர். 

அதன்பிறகு பக்தர்கள் அனைவரும் குளத்தில் நீராடி விட்டு பீரேஸ்வரரை வழிபட்டனர். பக்தர்கள் வீசிய சாணத்தை விவசாயிகள் ஆர்வத்துடன் எடுத்து சென்று தங்கள் விளைநிலங்களில் இட்டனர். 

இந்த வினோதமான திருவிழா கொண்டாட்டத்தின் பின்னணி பற்றி கூறும் கிராம மக்கள், முன்னொரு காலத்தில் சிவ பக்தர் ஒருவரின் பொருட்கள் குப்பை மேட்டில் வீசப்பட்டு சாணங்கள் கொட்டப்பட்டதாகவும், விவசாயத்திற்கு அங்கிருந்து சாணம் அள்ளிய போது மண்வெட்டி பட்டு லிங்கம் ஒன்றில் இருந்து ரத்தம் வழிந்ததாகவும் அந்த லிங்கத்தை எடுத்து பூஜித்து வருவதாகவும் கூறுகின்றனர்.  

பெரியவர் ஒருவருக்கு சாமி வந்து, அவர் கூறிய அருள்வாக்கின்படி, தீபாவளியை அடுத்து 3 நாட்கள் கழித்து திருவிழாவை நடத்துவதாகவும் இதில் பயன்படுத்தப்படும் சாணியை விவசாய நிலத்தில் தூவினால் பயிர்கள் நன்றாக வளரும்... கால்நடைகள் நோயின்றி வாழும் என்பது நீண்டகால நம்பிக்கை எனவும் கூறுகின்றனர். 

தொடர்புடைய செய்திகள்

தனியார் மருத்துவ கல்லூரி கட்டண நிர்ணயம் - குளறுபடி

தனியார் மருத்துவ கல்லூரிகளில் அரசு ஒதுக்கீட்டு இடங்களுக்கான கட்டணங்கள் அதிரடியாக மாற்றம் செய்யப்பட்டுள்ளன.

114 views

புயல் முன்னெச்சரிக்கை நடவடிக்கைகள் குறித்து முதலமைச்சர் விளக்கம்

நிவர் புயல் காரணமாக, நாளை தமிழகம் முழுவதும் அரசு விடுமுறை என முதலமைச்சர் எடப்பாடி பழனிசாமி அறிவித்துள்ளார்.

101 views

"அமெரிக்கா, இந்தியா உறவை வலுப்படுத்துவோம்" - மோடியின் வாழ்த்துக்குப் பின் ஜோ பைடன் உறுதி

அமெரிக்கா - இந்தியா இடையிலான உறவை வலுப்படுத்துவதில் முனைப்பு காட்டுவதாக, அமெரிக்க அதிபர் தேர்தலில் வெற்றி பெற்றுள்ள ஜோ பைடன் தெரிவித்துள்ளார்

92 views

பிற செய்திகள்

குண்டும் குழியுமாக காட்சியளிக்கும் சாலைகள் - சிமெண்ட் சாலை அமைக்க வேலூர் எம்.பி. கோரிக்கை

பாதாள சாக்கடைக்காக தோண்டப்பட்ட சாலைகளை சரி செய்ய வேலூர் நாடாளுமன்ற உறுப்பினர் கதிர் ஆனந்த் கோரிக்கை விடுத்தார்.

62 views

நிவர் புயல் முன்னெச்சரிக்கை நடவடிக்கை தீவிரம்: "கடலோர மாவட்டங்களில் 465 ஆம்புலன்ஸ்கள் தயாராக உள்ளன" - சுகாதாரத்துறை அமைச்சர் விஜயபாஸ்கர் தகவல்

நிவர் புயல் முன்னெச்சரிக்கை நடவடிக்கையாக கடலூர், புதுக்கோட்டை, நாகை, திருவாரூர் உள்ளிட்ட கடலோர மாவட்டங்களில் 465 அவசரகால ஊர்திகள் தயார் நிலையில் வைக்கப்பட்டுள்ளதாக சுகாதாரத்துறை அமைச்சர் விஜயபாஸ்கர் தெரிவித்துள்ளார்.

50 views

புறநகர் ரயில் சேவையும் ரத்து - தெற்கு ரயில்வே அறிவிப்பு

நிவர் புயல் முன்னெச்சரிக்கையாக, நாளை புறநகர் ரயில் சேவையும் ரத்து செய்யப்படுவதாக தெற்கு ரயில்வே அறிவித்துள்ளது.

65 views

"தண்ணீர் பிரச்சினைக்கு முற்றுப்புள்ளி வைத்துள்ளோம்"- அமைச்சர் எஸ்.பி.வேலுமணி தகவல்

சென்னை மக்களுக்கு நாளை முதல் 830 எம்எல்டி குடிநீர் விநியோகம் செய்யப்படும் என அமைச்சர் எஸ்.பி.வேலுமணி அறிவித்துள்ளார்.

133 views

"நிவர் புயல்" - முன்னெச்சரிக்கை நடவடிக்கைகள் தீவிரம்

பொது மக்களுக்கு தங்குமிடம், உணவு வசதிகள் செய்து தரப்பட்டுள்ளன என தெரிவித்தார்

50 views

அம்மா திருமண மண்டபங்கள் திறந்து வைப்பு - காணொலி காட்சி மூலம் முதல்வர் திறந்து வைத்தார்

சென்னையில் அம்மா திருமண மண்டபங்கள் மற்றும் அடுக்குமாடி குடியிருப்புகளை முதலமைச்சர் எடப்பாடி பழனிசாமி காணொலி காட்சி மூலம் திறந்து வைத்தார்.

39 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.