காற்று மண்டலத்தில் மேலடுக்கு சுழற்சி - சென்னை மாநகரில் பரவலாக மழை

சென்னை திருவொற்றியூரில் குடியிருப்புகளுக்குள் தேங்கிய மழை நீரை அகற்றும் பணியில் மாநகராட்சி ஊழியர்கள் ஈடுபட்டுள்ளனர். கடந்த ஒரு வாரத்திற்கு மேலாக மழைநீர் வடியாமல் இருந்ததால், மக்கள் அவதியுற்றனர். அவர்கள் நலன் கருதி, ராட்சத மோட்டார்கள் மூலம் மூன்று பம்புகள் வைத்து மழைநீரை உறிஞ்சி எடுக்கும் பணி போர்க்கால அடிப்படையில் நடைபெற்று வருகிறது. இதனால் பொது மக்கள் சற்று நிம்மதி அடைந்துள்ளனர்

பொன்னேரி சுற்றுவட்டாரங்களில் இடைவெளி விட்டு மிதமான மழை பெய்து வருகிறது. ஒரு சில இடங்களில் வெயிலுடன் கூடிய லேசான மழை பொழிந்தது. பருவமழை காரணமாக, பொன்னேரி பகுதிகளில் நிலத்தடி நீர்மட்டம் உயர்ந்து வருவதோடு, நீர்நிலைகளுக்கும் தண்ணீர் வரத்து அதிகரித்திருப்பதாக அப்பகுதி விவசாயிகள் நம்பிக்கை தெரிவித்தனர்.