தமிழ் திரைப்பட தயாரிப்பாளர் சங்கத்திற்கு நவ.22ஆம் தேதி தேர்தல் - வருகிற 15ம்தேதி முதல் 23ம் தேதி வரை விண்ணப்பம் வினியோகம்

தமிழ் திரைப்பட தயாரிப்பாளர் சங்கத்திற்கு நவம்பர் 22ஆம் தேதி தேர்தல் என அறிவிக்கப்பட்டுள்ளது. இதுதொடர்பான அதிகாரப்பூர்வ அறிவிப்பை சங்கத்தின் தேர்தல் அதிகாரி ஜெய்சந்திரன், தனி அலுவலர் மஞ்சுளா ஆகியோர் வெளியிட்டுள்ளனர். அதன்படி, வருகிற 15ம்தேதி முதல் 23ம் தேதி வரை வேட்புமனுவிற்கான விண்ணப்பங்கள் வினியோகிக்கப்படும் என்றும், பூர்த்தி செய்யப்பட்ட விண்ணப்பங்களை 23ஆம் தேதி மாலை 4 மணிக்குள் சமர்ப்பிக்க வேண்டும் எனவும் தெரிவிக்கப்பட்டுள்ளது. 23ஆம்தேதி மாலையே வேட்புமனுக்கள் பரிசீலனை செய்யப்பட்டு, இறுதி வேட்பாளர் பட்டியல் 29ம்தேதி வெளியிடப்படும் என்று அறிவிக்கப்பட்டுள்ளது. வேட்புமனுக்களை வாபஸ் பெற கடைசி நாள், 24ஆம் தேதி என்றும் தெரிவிக்கப்பட்டுள்ளது.