எலக்ட்ரானிக் நிறுவனங்கள் முதலீடு செய்ய அரசு அனுமதி - 2 லட்சம் நேரடி வேலைவாய்ப்புகள் உருவாக வாய்ப்பு

இந்தியாவில் எலக்ட்ரானிக் பொருட்கள் மற்றும் கைபேசி உற்பத்தி செய்யும் 16 பன்னாட்டு நிறுவனங்கள், சுமார் 11 ஆயிரம் கோடி ரூபாய் அளவுக்கு, புதிய திட்டங்களில் முதலீடு செய்வதற்கு மத்திய அரசு அனுமதி அளித்துள்ளது. அடுத்த 5 ஆண்டுகளில், இந்த நிறுவனங்கள் இந்தியாவில் சுமார் 10.5 லட்சம் கோடி ரூபாய் மதிப்பிலான எலக்ட்ரானிக் பொருட்களை உற்பத்தி செய்ய திட்டமிட்டு உள்ளன. இவற்றில் 6.5 லட்சம் கோடி ருபாய் மதிப்புடைய எலக்ட்ரானிக் பொருட்கள் ஏற்றுமதி செய்யப்படும் என்று எதிர்பார்க்கப்படுகிறது. மேலும் அடுத்த 5 ஆண்டுகளில், இதன் மூலம் 2 லட்சம் நேரடி வேலை வாய்ப்புகள் உருவாக வாய்ப்பு உள்ளது.