300 நாட்களாக சுமார் 100 அடியாக நீடிக்கும் மேட்டூர் அணை நீர்மட்டம்

மேட்டூர் அணையின் நீர்மட்டம் தொடர்ந்து 300 நாட்களாக 100 அடிக்கு மேல் நீடித்து வருகிறது.கடந்தாண்டு பருவ மழை கால தாமதமாக தொடங்கியதன் காரணமாக  ஆகஸ்ட் 13 -ம் தேதி மேட்டுர் அணையின் நீர் மட்டம் 100 அடியை எட்டியது. அணையின் முழு கொள்ளளவான 120 அடியை கடந்தாண்டு 4 முறை எட்டியது.மேலும் அணையின் நீர்மட்டம்  கடந்த ஆண்டு ஆகஸ்ட் 13 முதல் இன்று வரை 300 -வது நாளாக  100 அடிக்கு மேல் நீடித்து வருகிறது. தற்போது ,அணையில் நீர் இருப்பு திருப்திகரமாக இருப்பதால் வரும் 12 -ம் தேதி குருவை சாகுபடிக்கு தண்ணீர் திறக்கப்படும் என எதிர்பார்க்கப்படுகிறது.