கொரோனா குறித்து சமூக வலை தளங்களில் வதந்தி - கோவையில் ஹீலர் பாஸ்கர் கைது
பதிவு : மார்ச் 21, 2020, 08:04 AM
கொரோன குறித்து சமூக வலைத்தளங்களில் அவதூறு பரப்பியதாக ஹீலர் பாஸ்கரை கோவையில் போலீசார் கைது செய்தனர்.
கொரோனா அச்சம் எங்கும் இருக்கும் சூழலில் அதுதொடர்பான செய்திகளும், வதந்திகளும் இன்னொரு பக்கம் அதிகளவில் உலா வருகிறது. இந்த சூழலில் கொரோனா குறித்த வீடியோ ஒன்றை சமூக வலைத்தளங்களில் பகிர்ந்திருந்தார் ஹீலர் பாஸ்கர்.

நோய் பாதிப்புகள் குறித்தும், அரசு அதிகாரிகள் பற்றியும் விமர்சனம் செய்யும் வகையிலான அந்த வீடியோ பெரும் சர்ச்சையை ஏற்படுத்தியது. இதுதொடர்பாக அமைச்சர் விஜயபாஸ்கரிடம் கேள்வி எழுப்பப்பட்ட நிலையில், ஹீலர் பாஸ்கர் மீது நடவடிக்கை எடுக்கப்படும் என தெரிவித்திருந்தார். 

இந்த சூழலில் ஹீலர் பாஸ்கர் மீது கோவை மாவட்ட சுகாதாரத்துறை துணை இயக்குநர் ரமேஷ், புகார் அளித்தார். கொரோனா குறித்து பொதுவெளியில் அவதூறு பரப்பும் ஹீலர் பாஸ்கர் மீது நடவடிக்கை எடுக்க வேண்டும் என தெரிவித்ததன் பேரில், கோவை குனியமுத்தூர் போலீசார் ஹீலர் பாஸ்கரை கைது செய்தனர். 

மக்களிடையே பீதியை கிளப்புதல், பொது அமைதிக்கு குந்தகம் விளைவித்தல், அரசு அதிகாரிகளை விமர்சித்தல் உள்ளிட்ட பிரிவுகளின் கீழ் கைது செய்யப்பட்ட ஹீலர் பாஸ்கர், கோவை மத்திய சிறையில் அடைக்கப்பட்டார். 

கடந்த 2018ல் வீட்டிலேயே பிரசவம் பார்த்த ஒரு பெண் பலியான நிலையில் அது தொடர்பான பிரச்சினை விஸ்வரூபம் எடுத்தது. அந்த சமயத்தில் பெண்களுக்கு வீட்டிலேயே பிரசவம் செய்யும் முறையை ஊக்குவித்த ஹீலர் பாஸ்கர் கைது செய்யப்பட்டு சிறையில் அடைக்கப்பட்டார். 

ஹீலர் பாஸ்கருக்கு எதிராக ஒரு குழு இருந்தாலும் கூட, ஆதரவாக பலரும் இருப்பதால் தொடர்ந்து சமூக வலைத்தளங்களில் கருத்துகளை பதிவிட்டு வந்தார். தினம் தினம் பல்வேறு விஷயங்களை பற்றி பேசிவரும் அவர், 
இப்போது கொரோனா குறித்த அவதூறில் மீண்டும் கைது செய்யப்பட்டிருக்கிறார். 

தொடர்புடைய செய்திகள்

எச்சில் பயன்படுத்தி பந்தை சுவிங் செய்ய மாட்டோம் - வேகப்பந்து வீச்சாளர் புவனேஷ்வர் குமார்

தரம்சாலாவில் செய்தியாளர்களை சந்தித்த இந்திய அணியின் வேகப்பந்து வீச்சாளர் புவனேஷவர் குமார், போட்டியில் எச்சில் பயன்படுத்தி பந்தை ஸ்விங் செய்யமாட்டோம் என கூறினார்.

312 views

கொரோனா - நடனமாடி விழிப்புணர்வு ஏற்படுத்திய ஆசிரியைகள்

தஞ்சை மாவட்டம் கும்பகோணத்தில், கொரானா வைரஸ் தடுப்பு நடவடிக்கை குறித்து பள்ளி ஆசிரியைகள் நடனமாடி, பொது மக்களிடையே விழிப்புணர்வு ஏற்படுத்தினர்.

238 views

கிரீஸில் இருந்து ஜப்பான் வந்தது ஒலிம்பிக் ஜோதி - ஒலிம்பிக் போட்டி நடத்த ஜப்பான் அரசு நடவடிக்கை

கொரோனா அச்சுறுத்தலுக்கு இடையே கிரீஸ் நாட்டில் இருந்து ஒலிம்பிக் ஜோதி ஜப்பான் கொண்டு வரப்பட்டது.

67 views

"புதுச்சேரியில் வெளி மாநில வாகனங்கள் நுழைய தடை"

கொரோனா வைரஸ் தடுப்பு நடவடிக்கையாக புதுச்சேரியில் வெளி மாநில வாகனங்கள் நுழைய தடை விதிக்கப்பட்டுள்ளதாக முதலமைச்சர் நாராயணசாமி அறிவித்துள்ளார்.

31 views

பிற செய்திகள்

நெல்லை அரசு சித்த மருத்துவக் கல்லூரியில் பொதுமக்களுக்கு நோய் எதிர்ப்பு சக்தி கசாயம்

நெல்லை பாளையங்கோட்டையில் உள்ள அரசு சித்த மருத்துவக் கல்லூரியில் பொதுமக்களின் நோய் எதிர்ப்பு சக்தியை அதிகரிக்க மூன்று வகையான குடிநீர் வழங்கப்படுகிறது.

528 views

ஆரணியில் பொதுமக்களுக்கு கபசுர குடிநீர் விநியோகம்

திருவண்ணாமலை மாவட்டம் ஆரணியில் கபசுர குடிநீர் கசாயத்தை அதிகாரிகள் பொதுமக்களுக்கு விநியோகம் செய்தனர்.

55 views

144 தடை உத்தரவால் விவசாய தொழில்கள் பாதிப்பு

திருச்சி மாவட்டத்தில் 144 தடை உத்தரவு காரணமாக விவசாய தொழில்கள் பாதிக்கப்பட்டுள்ளன.

13 views

கொரோனாவுக்கு மருந்து தான் என்ன ?

சீனாவிற்கு வெளியே கொரோனாவால் பாதிப்பு கண்டறியப்பட்ட முதல் நாடான தாய்லாந்தில் கொரோனா பாதித்த நோயாளிகளுக்கு எச்ஐவி மருந்து கொடுக்கப்பட்டது.

33 views

கொரோனா - திமுக மாவட்ட செயலாளர்களுக்கு ஸ்டாலின் அறிவுரை

கொரோனா காலத்திலும் தொய்வில்லாது தொண்டாற்றுவோம் என்றும், மாவட்டச் செயலாளர்கள், மக்கள் செயலாளர்களாக செயல்பட வேண்டும் என திமுக தலைவர் மு.க.ஸ்டாலின் கேட்டுக்கொண்டுள்ளார்.

620 views

கொரோனா தடுப்பு - கனிமொழி எம்பி ரூ.1 கோடி நிதி

கொரோனா வைரஸ் தொற்று பரவலைத் தடுக்கும் பணிகளுக்காக, தி.மு.க. மகளிரணிச் செயலாளரும் தூத்துக்குடி மக்களவை உறுப்பினருமான கனிமொழி எம்பி ஒரு கோடி ரூபாய் ஒதுக்கியுள்ளார்.

107 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.