"சட்டவிரோத லாட்டரி விற்பனையை தடுக்க வேண்டும்" - அன்புமணி ராமதாஸ்

ஏழைகளை பலி வாங்கும் சட்டவிரோத லாட்டரி விற்பனையை தடுக்க வேண்டும் என பாமக இளைஞரணி தலைவர் அன்புமணி ராமதாஸ் தெரிவித்துள்ளார்.  இது தொடர்பாக அவர் வெளியிட்டுள்ள அறிக்கையில், 

நகை செய்யும் தொழிலாளி ஒருவர் லாட்டரி சீட்டுகளை வாங்கி கடனாளி ஆனதால், 3 குழந்தைகளை கொன்று விட்டு, மனைவியுடன் தற்கொலை செய்து கொண்டார்  என்ற செய்தி அதிர்ச்சி அளிப்பதாக தெரிவித்துள்ளார்.

சென்னை உள்ளிட்ட நகரங்களில் ஓர் இலக்க பரிசுச்சீட்டுகளும் மற்ற இடங்களில் 3 இலக்க லாட்டரி சீட்டுகளும் அதிக அளவில் விற்பனைசெய்யப்படுவதாக அவர் குறிப்பிட்டுள்ளார்.