ராதாபுரம் : ஆசிரியர்களை இடமாற்றம் செய்ய எதிர்ப்பு - மாணவ மாணவிகள் சாலை மறியலில் ஈடுபட்டதால் பரபரப்பு

நெல்லை மாவட்டம், ராதாபுரம் அரசு மேல் நிலைப் பள்ளியில் வணிகவியல் ஆசிரியராக இருந்த ரவீந்திரன் மற்றும் உடற்கல்வி ஆசிரியர் வளவன் ஆகியோர் வேறு பள்ளிக்கு இடமாற்றம் செய்யப்பட்டனர். இதனைக் கண்டித்து அந்த பள்ளி மாணவ - மாணவிகள் வகுப்புகளை புறக்கணித்து உள்ளிருப்பு போராட்டம் நடத்தினர். இதையடுத்து மாணவர்கள் திடீர் சாலை மறியலில் ஈடுபட்டதால் பரபரப்பு ஏற்பட்டது. தகவலறிந்து வந்த போலீசார் உரிய நடவடிக்கை எடுப்பதாக உறுதி அளித்ததை தொடர்ந்து மறியலை கைவிட்டு மாணவர்கள் வகுப்புக்கு திரும்பினர்.