கோவில் விழாவில் கலை நிகழ்ச்சிகளுக்கு மறுப்பு : 3 மணி நேரமாக மறியலில் ஈடுபட்ட மக்கள்

ஈரோடு மாவட்டம் சாலைப்புதூர் பகுதியில் உள்ள மாரியம்மன் கோவிலில் சமீபத்தில் விழா நடந்தபோது, கலை நிகழ்ச்சிகளுக்கு அனுமதி மறுக்கப்பட்டிருந்தது. ஏற்கனவே, 4 ஆண்டுகளாக பிரச்சினை இருந்ததால் இந்த முடிவு எடுக்கப்பட்டது. இந்நிலையில், அருகில் உள்ள மதுரை வீரன் கோயில் விழாவில் கலை நிகழ்ச்சிகளுக்கு அனுமதி அளிக்கப்பட்டது. இதையடுத்து, ஒரு சமுதாயத்தை சேர்ந்தவர்கள், ஒன்று திரண்டு மாவட்ட நிர்வாகத்தை கண்டித்து நேற்று இரவு 8 மணி அளவில் மறியலில் ஈடுபட்டனர். நள்ளிரவு வரை நீடித்த இந்த போராட்டத்தால், ஈரோடு - கரூர் தேசிய நெடுஞ்சாலையில் பல மணி நேரமாக போக்குவரத்து பாதிக்கப்பட்டது. பேருந்தில் காத்திருந்த பயணிகள் வாக்குவாதத்தில் ஈடுபட்டதால் பரபரப்பு ஏற்பட்டது. இதையடுத்து, டி.எஸ்.பி ராஜகுமார் தலைமையிலான போலீசார் பேச்சு நடத்தியதை தொடர்ந்து, மறியலில் ஈடுபட்டவர்கள் கலைந்து சென்றனர்.