திமுக முன்னோடி சீத்தாபதி மறைவு : ஸ்டாலின் நேரில் அஞ்சலி

திமுகவின் ஒன்றுபட்ட சென்னை மாவட்ட செயலாளராக இருந்த 82 வயதான சீத்தாபதி, உடல் நலக்குறைவால் உயிரிழந்தார். சென்னை சூளைமேட்டில் உள்ள இல்லத்தில் வைக்கப்பட்டுள்ள அவரது உடலுக்கு திமுக தலைவர் ஸ்டாலின் நேரில் அஞ்சலி செலுத்தினார். பின்னர் செய்தியாளர்களை சந்தித்த ஸ்டாலின், சீத்தாபதி, மறைந்த திமுக தலைவர் கருணாநிதிக்கு பெருமை சேர்க்க கூடிய வகையில் செயல்பட்டவர் என்றும், திமுக நடத்திய அனைத்து போராட்டங்களிலும் பங்கேற்றவர் என்றும் தெரிவித்துள்ளார். அவரது மறைவு திமுகவிற்கு ஏற்பட்டுள்ள மிகப்பெரிய இழப்பு என்றும் அவர் கூறினார்.