"விஜயகாந்த், தேர்தல் பிரச்சாரத்திற்கு வருவார்" - விஜயபிரபாகரன்

நாடாளுமன்ற தேர்தல் கூட்டணி தொடர்பாக பேச்சுவார்த்தை நடைபெற்று வருவதாக விஜயகாந்தின் மகன் விஜயபிரபாகரன் தெரிவித்துள்ளார். தேமுதிக சார்பில் கொடிநாள் பொதுக்கூட்டம் மற்றும் நலத்திட்ட உதவிகள் வழங்கும் விழா எம்ஜிஆர் நகர் மார்கெட் பகுதியில் நடைபெற்றது. இதில் பங்கேற்று பேசிய அவர், தேமுதிக இடம்பெறும் கூட்டணி தேர்தலில் அமோக வெற்றி பெறும் என்று கூறினார். தேமுதிக பொதுச்செயலாளர் விஜயகாந்த் தேர்தல் பிரச்சாரத்தில் ஈடுபடுவார் என்றும் விஜய பிரபாகரன் கூறினார்.