வாகன சோதனையில் 875 லிட்டர் எரிசாராயம் பறிமுதல்

உத்திரமேரூரில் இருந்து காஞ்சிபுரம் வழியாக வானியம்பாடிக்கு எரிசாராயம் கடத்தப்படுவதாக போலீசாருக்கு ரகசிய தகவல் கிடைத்ததுள்ளது. இதனையடுத்து ஓரிக்கை பகுதியில் வாகன சோதனையில் ஈடுபட்ட போலீசார், அவ்வழியே வந்த 2 கார்களை நிறுத்தியுள்ளனர். அதில் 25 கேன்களில் கடத்திவரப்பட்ட 875 லிட்டர் எரி சாராயத்தை போலிசார் பறிமுதல் செய்தனர். போலீசாரை பார்த்தவுடன் ஒரு காரின் ஓட்டுனர் தப்பி ஓடிவிட்ட நிலையில், மற்றொரு காரின் ஓட்டுனர் மணிகண்டன் கைது செய்யப்பட்டுள்ளார்.