குடிபோதையில், குழந்தையை தரையில் வீசிய கொடூரம்

தனது தந்தையை பார்ப்பதற்காக, தனது இரட்டைக் குழந்தைகளுடன் சுபாஷினி ஆம்பூரில் இருந்து முசிறி வந்துள்ளார். அப்போது, அங்கு குடிபோதையில்  இருந்த லோகநாதன், தனக்கு சொத்தை விட்டு கொடுக்கக் கோரி, சகோதரி சுபாஷினியுடன் தகராறில் ஈடுபட்டுள்ளார். ஒருகட்டத்தில் ஆத்திரமடைந்த லோகநாதன், அருகில் விளையாடிக் கொண்டிருந்த சுபாஷினியின் குழந்தையை தூக்கி வேகமாக தரையில் வீசியுள்ளார். படுகாயம் அடைந்த குழந்தைக்கு திருச்சி மருத்துவமனையில் சிகிச்சை அளிக்கப்பட்டது. அந்த குழந்தை பலனின்றி உயிரிழந்ததால், லோகநாதனை போலீசார் கைது செய்துள்ளனர்.