கோவை மாவட்டம் : கழிவு நீர் சுத்திகரிப்பு மையம் அமைக்க எதிர்ப்பு

கோவை மாவட்டம் போத்தனூரில், கழிவு நீர் சுத்திகரிப்பு மையம் அமைக்கப்படுவதற்கு எதிர்ப்பு தெரிவித்து குறிச்சி பகுதி குடியிருப்பு வாசிகள், மாவட்ட ஆட்சியர் அலுவலகத்தில், மனு அளித்துள்ளனர். ஸ்மார்ட் சிட்டி திட்டத்தின் கீழ், அங்குள்ள சிறுவர் பூங்காவில் சுத்திகரிப்பு மையம் அமைக்க கடந்த 2 தினங்களுக்கு முன்பு அதிகாரிகள் இடத்தை அளந்து விட்டு சென்றனர். இதற்கு எதிர்ப்பு தெரிவித்து மனு அளித்த பொதுமக்கள் சுத்திகரிப்பு நிலையம் அமைக்கப்பட்டால் தங்களது குடும்ப அட்டைகளை திருப்பி அளித்திடுவோம் என எச்சரிக்கை விடுத்தனர்.