பாசிச, பொய் செய்திகளை பரப்புவது நாட்டுக்கு சேதம் -ராகுல்காந்தி

இந்தியாவில் உள்ள பல்வேறு செய்தி ஊடகங்கள் பாசிச ரீதியிலான செய்திகளில் ஆர்வம் காட்டுவதாக காங்கிரஸ் மூத்த தலைவர் ராகுல்காந்தி சாடியுள்ளார். இதுகுறித்து டுவிட்டரில் பதிவிட்டுள்ள அவர், வெறுப்பை தூண்டும் விதமாக செய்திகள் எழுதப்படுகின்றன என கூறியுள்ளார். வாட்ஸ் ஆப்-ல் பகிரப்படும் தவறான தகவல்கள், செய்திகளாக  வருகின்றன என்ற ராகுல்காந்தி, பொய்யான செய்திகள் நாட்டை துண்டிக்கும் என வேதனை தெரிவித்துள்ளார். இனிமேல், தற்போதைய சூழல், பிரச்சினை, தமது எண்ணம், ஆகியவை குறித்த உண்மையை வீடியோ மூலம், பகிர்ந்துகொள்ள உள்ளதாகவும் அவர் தெரிவித்துள்ளார்.