ஆண்டுகளுக்கு பின் துளிர் விட்ட ரஜினி அரசியல் - ரசிகர்களுக்கு அதிசயம் நிகழ்த்துவாரா ரஜினி?

நடிகர் விஜயின் தந்தை எஸ்ஏ சந்திரசேகர் இயக்கத்தில் பாக்யராஜூடன் இணைந்து நடித்து 1985ம் ஆண்டு வெளியான நான் சிகப்பு மனிதன் படத்தின் பாடல் தான் இது...

இதில் இருந்து சரியாக 3 ஆண்டுகள் கழித்து வெளியான குருசிஷ்யன் படமும் ரஜினியின் அரசியலுக்கு தப்பவில்லை. இந்த படத்தில் மறைந்த அரசியல் விமர்சகர் சோவும் ரஜனியுடன் இணைந்து கொண்டார் 

1986ம் ஆண்டு வெளியான மாவீரன், 1993ம் ஆண்டு வெளியான தனது சொந்த தயாரிப்பான வள்ளி ஆகிய படங்களிலும் அரசியல் வசனங்களை பேசி இருக்கிறார் ரஜினி.

பாட்ஷா படத்தின் வெற்றி விழாவில் தான் ரஜினி மீது நேரடியான அரசியல் முத்திரை விழுந்தது. ஏற்கனவே பம்பாய் படத்துக்காக இயக்குநர் மணிரத்னத்தின் வீடு மீது வெடிகுண்டு வீசப்பட்ட சம்பவம் நடைபெற்ற நிலையில், தமிழகத்தில் வெடிகுண்டு கலாசாரம் பரவி விட்டதாக குற்றஞ்சாட்டினார், ரஜினி. அன்றைய அதிமுக அரசு தொடர்ந்தால் தமிழகத்தை ஆண்டவனாலும் காப்பாற்ற முடியாது என ரஜினி கூறியதுதான், அன்றைய 'ஹைலைட் அரசியல் பஞ்ச்'

இப்படியாக மெள்ள மெள்ள அரசியல் பக்கம் திரும்பிய ரஜினி காந்த், 1996ம் ஆண்டு சட்டப்பேரவை தேர்தலின்போது வெளிப்படையாகவே, திமுக, தமாகா கூட்டணிக்கு ஆதரவு தெரிவித்தார். அவரது ரசிகர் மன்றத்தினரும் தேர்தல் பிரசாரங்களில் மும்முரமாக ஈடுபட்டனர். 

அந்த தேர்தலின்போது, நேரடியாக அரசியலில் குதித்தவர்கள் தான் நெப்போலியனும், சரத்குமாரும். அந்த தேர்தலுக்கு பிறகு, பாபா பட வெளியீட்டின்போது, பாமக உடனும் ரஜினிக்கு மோதல் ஏற்பட்டது. பாமகவுக்கு வாக்களிக்க வேண்டாம் என 1998, 1999 நாடாளுமன்ற தேர்தல்களின்போது வெளிப்படையாகவே ரஜினி அறிவித்தார். 

2000ம் ஆண்டுக்கு பிறகு ரஜினியின் அரசியல் ஆர்வம் மங்கியது. ஆனால், அவ்வப்போது, அவர் பேசும் வசனங்களில் அரசியல் இருப்பதாக ரசிகர்களை அர்த்தம் கற்பித்துக் கொண்டு மகிழ்ந்தாலும், கிட்டத்தட்ட 18 ஆண்டுகளுக்கு பிறகு, மீண்டும் ரஜினியின் அரசியல் ஆர்வம் துளிர் விட்டுள்ளது. அவர் அரசியலில் நுழையும் அதிசயம் நடைபெறுமா என்பதை பொறுத்திருந்துதான் பார்க்க வேண்டும்.