நாடாளுமன்றத்தில் பொருளாதார ஆய்வறிக்கை தாக்கல் செய்தார் நிதி அமைச்சர் நிர்மலா சீதாராமன்

மத்திய பட்ஜெட் நாளை தாக்கல் செய்யப்பட உள்ள நிலையில் நடப்பு நிதி ஆண்டுக்கான பொருளாதார ஆய்வறிக்கையை நாடாளுமன்றத்தில் நிதி அமைச்சர் நிர்மலா சீதாராமன் இன்று தாக்கல் செய்தார். அதில், நடப்பு நிதியாண்டுக்கான பொருளாதார வளர்ச்சி 7 சதவீதமாக இருக்கும் என்று கணிக்கப்பட்டுள்ளது. மேலும் கடந்த 5 ஆண்டுகாலத்தில் நாட்டின் பொருளாதார வளர்ச்சி சராசரியாக 7.5 சதவீதமாக இருந்ததாக தெரிவிக்கப்பட்டுள்ளது. முந்தைய 2017-18ஆம் நிதியாண்டில் 6.4 சதவீதமாக இருந்த நிதி பற்றாக்குறை, கடந்த 2018-19ஆம் நிதியாண்டில் 5.8 சதவீதமாக குறைந்துள்ளது தெரியவந்துள்ளது. மேலும், பெட்ரோல், டீசல் விலை குறைய வாய்ப்புள்ளதாகவும் பொருளாதார ஆய்வறிக்கையில் தெரிவிக்கப்பட்டுள்ளது.