பிறந்தநாளில் அரசியல் கட்சியை அறிவிக்கிறாரா ரஜினி?

* ரஜினி மக்கள் மன்றத்தை, முறைப்படி அரசியல் கட்சியாக மாற்ற ர​ஜினி முடிவு செய்துள்ளதாகவும், அதுகுறித்த அதிகாரபூர்வ அறிவிப்பை, தனது பிறந்தநாளான டிசம்பர் 12ந் தேதி வெளியிட உள்ளதாகவும் கூறப்படுகிறது. அதற்காக, தமிழகத்தின் மையப்பகுதியான திருச்சியில், மிகப்பெரிய மாநாட்டை நடத்தி, அதில் கட்சியின் பெயரையும், கட்சிக் கொடியையும் அவர் அறிவிக்க திட்டமிட்டுள்ளதாக தகவல்கள் வெளியாகி உள்ளன. 

* இதற்காக ஓய்வு பெற்ற ஐபிஎஸ் அதிகாரி ராஜசேகர், தலைமையிலான குழுவும், மாநாட்டிற்காக மன்ற நிர்வாகிகளை ஒருங்கிணைக்க, தூத்துக்குடி மாவட்ட மக்கள் மன்ற பொறுப்பாளர் ஸ்டாலின் தலைமையில், மொத்தம் 10 பேரும் நியமிக்கப்பட்டுள்ளதாக கூறப்படுகிறது. 

* திருச்சி மாநாட்டுக்காக, ஒவ்வொரு மாவட்டத்தில் இருந்தும் 50 ஆயிரத்திற்கும் மேற்பட்ட நிர்வாகிகளை தனி ரயில்கள் மூலம் அழைத்து வர திட்டமிடப்பட்டுள்ளதாகவும் தகவல்கள் வெளியாகி உள்ளன. 

இதனிடையே, மக்களிடம் நன்மதிப்பை பெற்றுள்ள மாற்று கட்சியினர், விரும்பினால், அவர்களை கட்சியில் இணைத்துக் கொள்ள ரஜினி தயாராக இருப்பதாகவும், திருச்சி மாநாட்டில் அப்படி ஏராளமானோர் இணைய வாய்ப்புள்ளதாகவும் மக்கள் மன்ற நிர்வாகிகள் தெரிவிக்கின்றனர்.