"கொரோனா அவசரகால நிதி ரூ.23,123 கோடி ஒதுக்கீடு"

அப்போது கொரோனாவை எதிர்கொள்ள ஏதுவாக சுகாதார மற்றும் மருத்துவ கட்டமைப்பை வலுப்படுத்த இரண்டாம் கட்ட அவசரகால நிதியாக 23 ஆயிரத்து 123 கோடி வழங்க மத்திய அமைச்சரவை ஒப்புதல் அளித்துள்ளதாக அமைச்சர் மன்சூக் மாண்டவியா தெரிவித்தார்.

இந்த நிதியில் இருந்து மாநிலங்களுக்கு 8 ஆயிரத்து 123 கோடி ரூபாய் வழங்கப்பட உள்ளது. 

மீதமுள்ள தொகையில் இருந்து பொது சுகாதார கட்டமைப்புகளில் 20 ஆயிரம் ஐ.சி.யூ படுக்கைகள் ஏற்படுத்தப்படும் என மத்திய அமைச்சர் மன்சூக் மாண்டவியா தெரிவித்தார். 

இவற்றில் 20% சதவீதம் குழந்தைகளுக்கான ஐசியு படுக்கைகளாக இருக்கும் என்றும் அவர் குறிப்பிட்டார். 

இவை தவிர நாடு முழுவதும் உள்ள மத்திய, மாநில அரசு மருத்துவமனைகள், எய்ம்ஸ், மருத்துவ கல்லூரிகள் உள்ளிட்டவற்றில் குழந்தைகளுக்கான பிரத்யேக மருத்துவ மையங்கள் அமைக்கப்படும் என்றும் மத்திய அமைச்சர் தெரிவித்தார். 

நாட்டிலுள்ள ஒவ்வொரு மாவட்டத்திலும் புதிதாக ஆயிரத்து 50 மருத்துவ ஆக்ஸிஜன் சேமிப்பு டேங்கர் ஏற்படுத்தப்படும் என அவர் கூறினார். 

 

தற்போது இருக்கும் ஆம்புலன்ஸ் சேவையுடன் கூடுதலாக 8 ஆயிரத்து 800 ஆம்புலன்ஸ்கள் இணைக்கப்படும் என, மத்திய அமைச்சரவை கூட்டத்தில் முடிவு எடுக்கப்பட்டுள்ளது.