பிப். 21: பாஜகவின் ஆலோசனை கூட்டம் - 5 மாநில தேர்தல் குறித்து ஆலோசனை ?

வருகின்ற 21 ஆம் தேதி ஜேபி நட்டா தலைமையில் நடைபெறும் பாஜக கட்சியின் ஆலோசனை கூட்டத்தில் பிரதமர் மோடி பங்கேற்க உள்ளதாக தகவல் வெளியாகியுள்ளது. டெல்லியில் உள்ள பா.ஜ.க.வின் தேசிய தலைமை அலுவலகத்தில் வைத்து இந்த கூட்டம் நடைபெற உள்ளது. இதில் தேசிய நிர்வாக குழுவினர், மாநில பொறுப்பாளர்கள் மற்றும்  மாநில தலைவர்கள் உள்ளிட்டோர் பங்கேற்க அழைப்பு விடுக்கப்பட்டுள்ளது. இந்த கூட்டத்தில் அமைப்பு சார்ந்த பிரச்சனைகள் மற்றும் தமிழகம், கேரளா, புதுவை, மேற்கு வங்கம், அசாம் உள்ளிட்ட 5 மாநிலங்களின் சட்டசபை தேர்தல்கள் குறித்து விவாதிக்கப்படும் என எதிர்பார்க்கப்படுகிறது.