ஆந்திரா, தெலுங்கானாவில் வரலாறு காணாத மழை - கனமழைக்கு இதுவரை 28 பேர் பலி

தெலுங்கானா தலைநகர் ஐதராபாத்தில் நேற்று முன்தினம் பெய்த கனமழையால், குடியிருப்புப் பகுதிகளுக்குள் மழைநீர் புகுந்தது. முழங்கால் வரை தேங்கிய மழைநீரால் பொதுமக்கள் வீடுகளை விட்டு வெளியே வரமுடியாமல் தவித்தனர். மின்சாரமும் துண்டிக்கப்பட்டதால், நேற்றிரவு ஐதராபாத் நகர் முழுவதும் இருளில் மூழ்கியது. மழையின்போது சாலைகளில் சென்று கொண்டிருந்த வாகனங்கள் அடித்துச் செல்லப்பட்டன. சாலைகளும் நீரில் அரித்துச் செல்லப்பட்டன. ஐதராபாத் நகரில்18 பேரும், ஆந்திர மாநிலம் கிருஷ்ணா மாவட்டத்தில் 10 பேரும் இதுவரை கனமழைக்கு உயிரிழந்துள்ளனர். மழைநீரில் சிக்கித் தவிப்பவர்களை மீட்கும் பணியில் பேரிடர் மீட்புப் படையினரும், தீயணைப்புப் படையினரும் ஈடுபட்டு வருகின்றனர். தொடர்ந்து மழை பெய்து வருவதால், பொதுமக்கள் யாரும் வெளியே வரவேண்டாம் என்றும் எச்சரிக்கை விடுக்கப்பட்டுள்ளது.