நிபா வைரஸ் : புதுச்சேரி ஜிப்மர் மருத்துவமனையில் 2 சிறப்பு வார்டுகள் தயார்

புதுச்சேரியில் உள்ள ஜிப்மர் மருத்துவமனையில் நிபா வைரஸூக்காக 2 சிறப்பு வார்டுகள் அமைக்கப்பட்டுள்ளதாக தெரிவிக்கப்பட்டுள்ளது. கேரளத்தை ஒட்டியுள்ள மாஹே பகுதி புதுச்சேரி மாநிலத்திற்கு உட்பட்ட பகுதியில் வருவதால் நிபா வைரஸ் குறித்த அச்சம் உள்ளது. எனவே இதனை தடுக்கும் வகையில் மருத்துவர்கள் மற்றும் மருந்துகளும் தயார் நிலையில் உள்ளதாக தெரிவிக்கப்பட்டுள்ளது. டாக்டர்கள் மற்றும் செவிலியர்கள் 24 மணி நேரமும் பணியில் இருப்பார்கள் என்பதால் யாருக்கேனும் நிபா வைரஸ் தாக்கியதற்கான அறிகுறி தென்பட்டால் உடனே தகவல் தெரிவிக்குமாறு சுகாதாரத்துறை அறிவுறுத்தியுள்ளது.