EXCLUSIVE டெல்லியில் ஆகஸ்ட் 21-ல் ஐ.ஐ.டி.கவுன்சில் கூட்டம் : இளநிலை படிப்புகளை ரத்து செய்ய திட்டம் என தகவல்

டெல்லி ஐ.ஐ.டி.யில் வரும் 21 ம் தேதி ஐ.ஐ.டி. கவுன்சில் கூட்டம், அதன் தலைவரும், மத்திய மனிதவள மேம்பாட்டு துறை அமைச்சருமான பிரகாஷ் ஜவ்டேகர் தலைமையில் நடைபெறுகிறது. நாடு முழுவதும் உள்ள 23 ஐ.ஐ.டி.க்களின் இயக்குனர்கள் இதில் பங்கேற்கின்றனர். இந்த கூட்டத்தில் பல்வேறு முக்கிய முடிவுகள் எடுக்கப்பட உள்ளதாக தகவல்கள் வெளியாகி உள்ளன. ஐ.ஐ.டி.க்களில் இளநிலை படிப்புகளை கைவிடும் முடிவு எடுக்கப்பட உள்ளதாக கூறப்படுகிறது. ஐ.ஐ.டி சேர்க்கைக்காக, நாடு முழுவதும் பெருகி வரும் கோச்சிங் சென்டர்களை கட்டுப்படுத்துவும், முதுநிலை பட்டப் படிப்புகள் மற்றும் ஆராய்ச்சி திட்டங்களில் மட்டும் கவனம் செலுத்துவது குறித்தும் முடிவு எடுக்க உள்ளதாக கூறப்படுகிறது.