திரைப்பட இயக்குநர் சங்க தேர்தல் - வேட்புமனு நிராகரிப்பு : தேர்தல் நடத்தும் அதிகாரியுடன் எஸ்.பி.ஜனநாதன் வாக்குவாதம்

திரைப்பட இயக்குநர் சங்க தேர்தலில் வேட்புமனு பரிசீலனை செய்த முறை தவறு என கூறி இயக்குநர் எஸ்.பி. ஜனநாதன் தேர்தல் நடத்தும் அதிகாரியிடம் வாக்குவாதத்தில் ஈடுபட்டார். ஜூலை 21ஆம் தேதி நடக்கவிருக்கும் இயக்குநர் சங்க தேர்தலில், தலைவர் பதவிக்கு போட்டியிட இயக்குநர்கள் கே.எஸ் ரவிக்குமார், அமீர், ஜனநாதன், பி.வாசு ஆகியோர் வேட்பு மனு தாக்கல் செய்தனர். இந்நிலையில் இயக்குனர்கள் அமீர் மற்றும் ஜனநாதனின் வேட்புமனு நிராகரிக்கப்பட்டது. இதையடுத்து தமது மனுவை ஏற்கும்படி தேர்தல் அதிகாரியிடம் கோரிக்கை கடிதம் கொடுத்த ஜனநாதன், அவரிடம் வாக்குவாதத்தில் ஈடுபட்டது பரபரப்பை ஏற்படுத்தியது.