கணவனை 10 முறை வெறி தீர வெட்டி செட்டப் செய்த மனைவி - அக்கம்பக்கத்தால் சிக்கினார்..!

தேனி மாவட்டம் ஆண்டிப்பட்டி அருகே, மதுபோதையில் தகராறு செய்து வந்த கணவனை, அரிவாளால் வெட்டி கொலை செய்துவிட்டு நாடகமாடிய மனைவியை போலீசார் கைது செய்தனர்.

ஆண்டிப்பட்டி தாலுகா கடமலைக்குண்டு பகுதியை சேர்ந்த ராஜா - ஜெயா தம்பதிக்கு, 2 பிள்ளைகள் உள்ளன. மதுபோதைக்கு அடிமையான ராஜா, தினமும் குடித்துவிட்டு வந்து மனைவியிடம் தகராறு செய்து வந்ததாக கூறப்படுகிறது.

மீண்டும் கணவன் மனைவிக்கு இடையே தகராறு ஏற்படவே, ஆத்திரமடைந்த ஜெயா, வீட்டில் இருந்த அரிவாளால் கணவனின் தலையில் 10 க்கும் மேற்பட்ட இடங்களில் தாக்கியுள்ளார். இதில் படுகாயம் அடைந்த ராஜா, சம்பவ இடத்திலேயே உயிரிழந்தார்.

தகவல் அறிந்து வந்த உறவினர்கள், போலீசாருக்கு தகவல் தெரிவித்துள்ளனர்.

சம்பவ இடத்திற்கு வந்த போலீசார், உடலை மீட்டு பிரேத பரிசோதனைக்கு அனுப்பி வைத்தனர்.

இதுதொடர்பாக மனைவி ஜெயாவிடம் விசாரணை நடத்தியபோது, மதுபோதையில் இருந்தபோது, தன்னைத்தானே அரிவாளால் தாக்கிக் கொண்டதாக கூறி நாடகமாடியுள்ளார்.

ஆனால் அக்கம் பக்கத்தினரிடம் போலீசார் விசாரணை நடத்தியபோது, ஜெயா அரிவாளால் தாக்கி கொலை செய்தது தெரியவந்தது. ஜெயாவை கைது செய்து போலீசார் விசாரணை நடத்தி வருகின்றனர்.